Christiano Ronaldo Azindua Hoteli Ya Kifahari

Kamwe Cristiano Ronaldo hajawahi kushindwa kitu. Kwa sasa ni moja ya wanamichezo matajari duniani ambaye ameamua kujaribu bahati yake kwenye biashara ya Hoteli. Ndio ameamua kufanya hivyo.
Baada ya kupata mafanikio na timu yake ya Ureno kufuatia kubeba taji la Euro na kupata mapumziko yake, jana alionekana akizindua hoteli yake inayojulikana kwa jina la “Pestana CR7” iliyopo kwenye kisiwa alichozaliwa cha Madeira nchini Ureno
Ikumbukwe tu Ronaldo pia amejengewa sanamu kwenye kisiwa hicho hicho cha Madeira ambayo ipo Funchal, mji ambao ndiyo makao makuu ya kisiwa hicho. Na taarifa zilizopo zinaeleza kuwa uwanja wa ndege wa eneo hilo pia utapewa jina la hilo. Rais wa eneo la Madeira, Miguel Albuquerque, amesema kwamba watafanya hivyo kwa ajili ya heshima Ronaldo kutokana na mchango alionao kwenye jamii yake.

“Ni jambo jipya kidogo kwangu, Sikuwahi kufikiria kwamba ningemiliki hoteli nikiwa katika umri wa miaka 31,” alisema Ronaldo wakati akizindua hoteli hiyo ambayo ilianza kutumika tangu Julai 1 mwaka huu.
Taarifa zaidi zinaeleza kwamba kwenye ground floor ya hoteli hiyo kumejengwa museum. Vyanzo vingine vya habari vinaripoti kwamba hoteli zenye jina la “CR7” zinatarajiwa kuzinduliwa kwenye majiji ya Lisbon, Madrid na New York mwaka 2017