Usain Bolt Achafua Hari Ya Hewa Leo Huko Brazil

Miongoni mwa matukio ya kimichezo yanayosubiriwa kwa hamu katika michezo ya Olympiki inayoendelea nchini Brazil ni pamoja na mchezo wa riadha. Kivutio kikubwa, bila shaka, ni Usain Bolt mkimbiza upepo kutoka Jamaica ambaye inaaminika ndio mtu mwenye kasi kushinda wote duniani.

Usain Bolt anatarajiwa kuendeleza rekodi yake ya ushindi kama ilivyokuwa kwenye michuano ya Olimpiki ya mwaka 2008 Beijing na 2012 London. Bolt atakuwa akishindana kwa karibu na mmarekani Justin Gatlin ambaye mwaka 2004 alishinda mbio za urefu wa mita 100 lakini baadae akagundulika kwamba alitumia madawa ya kuongeza nguvu ambayo yamepigwa marufuku kwenye michuano.

Raundi ya kwanza ya riadha za mita 100 zitafanyika kuanzia saa 5 asubuhi (11am) kwa saa za Mashariki mwa Marekani-Eastern Time ambazo ni kama saa 12 jioni kwa saa za Afrika Mashariki (tafadhali hakikisha muda)

Nusu fainali na fainali zitafuatia saa 2 usiku (8pm) Jumapili Agosti 14 ambayo ni sawa na alfajiri ya Jumatatu kwa saa za Afrika Mashariki.

Michuano ya mita 200 itaanza Jumanne Agosti 16 saa nne na dakika hamsini (10:50am) kwa saa za Marekani Mashariki ambayo ni masaa 7 huku nusu fainali zikifanyika Jumatano Agosti 17 saa tatu usiku (9pm Eastern). Fainali zitakuwa Alhamisi Agosti 18 saa tatu na nusu usiku (9:30pm Eastern).